![](http://2.bp.blogspot.com/_2vzsmjKz-co/SiJChnnjyMI/AAAAAAAABBU/RdcyRi4d97M/s400/medium_15831_8CEFF319-E853-AF5C-F422C15EBEB422CE.jpg)
Raikkonen, Campión do Mundo de F1 en 2007, pilotará un Abarth Grande Punto S2000 na proba do sábado, que arrincará na poboación de Pederobba. O rallye comporase de dez especiais e un total de 124 Km cronometrados.
Esta tempada Raikkonen xa disputou dúas rallyes de inverno no seu Finlandia natal, o Arctic Rally e o Rallye de Mikkeli, pero a carreira deste fin de semana será a primeira que disputa sobre asfalto.
Do mesmo xeito que nas probas anteriores en que participou, terá como copiloto ao finlandés Kaj Lindstrom, o cal tamén foi compañeiro do múltiple campión do WRC, Tommi Makinen.
Wrc.com tamén soubo que outra estrela da F1 afeccionada aos rallyes, Robert Kubica, NON disputará o Rallye de Polonia deste ano.
O piloto do equipo BMW-Sauber F1 comprou un Skoda Fabia WRC ao piloto oficial de Skoda Jan Kopecky e rumoreábase que tiña previsto participar na proba do WRC do seu país en xuño deste ano.
Con todo, fontes próximas á estrela polaca confirmaron a wrc.com que Kubica non ten plans inmediatos para competir co coche.
"Non é ningún segredo que é un fan dos rallyes. Así que non se pode descartar nada no futuro, pero por agora está comprometido ao 100 por 100 coa tempada de Fórmula 1," dixo.
0 comentarios:
Publicar un comentario