LOEB EMPEZA FORTE EN SARDEÑA

Sébastien Loeb marcou o mellor tempo no shakedown -o adestramento previo- do Rally de Sardeña, sexta proba do Mundial. O piloto francés, que xa gañou a proba italiana en tres ocasións e marcha embalado cara ao seu sexto título tras gañar as cinco primeiras citas da tempada, sacoulle case un segundo a Henning Solberg. Dani Sordo, compañeiro de Seb no equipo oficial Citroën, foi cuarto.

A pesar de que todo foi ben para Loeb no shakedown, o líder do Mundial advertiu que a combinación de pistas secas e cheas de rocas, xunto á súa posición de saída, poderían limitar a súa velocidade o venres, día en que arrincará o rally. "estivo ben, pero non é representativo. Está todo moi seco e creo que seguirá así o fin de semana, polo que o feito de ter que varrer a pista será moi importante. Creo que será un factor crave", comentou.

O teoricamente máximo rival de Loeb para a loita polo título, o finlandés Mikko Hirvonen, conformouse co quinto mellor tempo, exactamente o mesmo que marcou o seu compatriota e compañeiro de equipo Jari Matti Latvala.

CLASIFICACION DEL 'SHAKEDOWN'
1. Sébastien Loeb (FRA/Citroën) 3:15.0.
2. Henning Solberg (NOR/Ford) 3:16.1.
3. Petter Solberg (NOR/Citroën) 3:18.2.
4. Dani Sordo (ESP/Citroën) 3:18.9.
5. Mikko Hirvonen (FIN/Ford) 3:19.4.
6. Jari-Matti Latvala (FIN/Ford) 3:19.4.
7. Malcolm Wilson (GBR/Ford) 3:20.5.
8. Mads Ostberg (NOR/Subaru) 3:22.4.
9. Khalid Al-Qassimi (EAU/Ford) 3:23.5.
10. Sébastien Ogier (FRA/Citroën) 3:24.0.

LOEB EMPEZA FORTE EN SARDEÑA