O Campionato de España de Rallyes de Asfalto 2010 arrinca este fin de semana na localidade alacantina da Vila Joiosa. A clásica proba do litoral mediterráneo é un ano máis o punto de partida do nacional, e para o Subaru Rally Team Spain supón o primeiro compromiso competitivo da súa segunda campaña como equipo oficial de Subaru España.A formación cántabra presenta na liña de saída da Vila Joiosa tres Subaru Impreza Prodrive, preparados por KRS, cos que competirán Enrique García Ojeda-Pablo Marcos, Eugenio Mantecón-Carlos Do Barrio e Javier Polidura-Amadeo Aguirre.
Tras os moi positivos resultados alcanzados na súa tempada de debut co Impreza Prodrive, Ojeda parte de novo entre os favoritos ás primeiras prazas do Campionato de España de Rallyes, que se presenta máis aberto que nunca esta tempada.
Para Javier Polidura, que xa competiu cun Subaru de KRS nas citas finais da tempada 2009, o rallye de Vila Joiosa significará un paso máis no seu coñecemento das probas do nacional.
Javier Mantecón, pola súa banda, debuta en terras alacantinas ao volante dun dos Impreza Prodrive do preparador cántabro, co que o seu primeiro obxectivo será facerse ao novo vehículo, moi diferente do Clio R3 que utilizaba a pasada campaña.
O tres Impreza Prodrive preparados por KRS do Subaru Rally Team Spain enfrontaranse a un percorrido formado por oito probas especiais, que discorren por tramos habituais da zona. En total, serán preto de 400 quilómetros, con algo máis de 175 a disputar contra o crono, os que terán que superar os participantes nesta proba de apertura do Campionato de España de Rallyes de Asfalto 2010, que se disputará de forma integra ao longo da xornada do sábado 27 de marzo. Máis información sobre todos os detalles da proba na web da escuadra organizadora www.aiaweb.net
0 comentarios:
Publicar un comentario