O piloto galego Jesús Ferreiro (Ford Escort MKI), foi o vencedor final da segunda edición do Rallye Só Escort, disputado o pasado sábado na localidade de Cornellana e organizado pola escuadra Cornellana Clásicos. A segunda posición ocupouna Alex Sabater (MKII), seguido de Manuel Bobes (MKI), sendo o primeiro piloto asturiano clasificado.A xornada comezou co dominio do piloto de Quinzanas «Lolo» García (MKII), ata que se viu obrigado ao abandono por un problema de motor. Ferreiro recolleu a testemuña até o final, non sen antes defenderse dos ataques de José Antonio Fombona, marcando o seu regreso aos rallyes do pluricampeón nacional de montaña, o cal tería que abandonar no ultimo tramo, cando optaba ao triunfo final da proba. Destacar a espectacularidade do Pablo López (MKII) que encandeou aos numerosos afeccionados presentes.
Polo que respecta á clasificación de regularidade sport, a vitoria foi para o piloto de Vitoria Aitor Pereda, seguido polo cantabro Angel Bustamante e Miguel Pintado con senllos MKI.
0 comentarios:
Publicar un comentario