Por segundo ano consecutivo, o piloto volverá formar parte de IRC e ademais, como novidade, será puntuable para o Campionato de Europa de Rallyes (FIA-ERC) contando con grandísimos pilotos de todo o mundo.O liderato a tiro?
Trala carreira de Ferrol e malia os contratiempos que evitaron a vitoria do equipo a falta dun tramo, o liderato do trofeo volve estar na órbita de Víctor Senra e a súa copiloto David Vázquez. Nestes intres" indica Senra "estamos a só 16 puntos e cada carreira pode sumar 17. Ademais hai que ter presente que se descuenta un resultado a final de tempada, co que en realidade, tendo en conta os resultados anteriores, estamos a só oito. O asfalto favorécenos con respecto ao noso principal rival nestes momentos, Benito Guerra, e debemos aproveitalos nesta carreira de Asturias e na cita mundialista de Cataluña, xa que logo virán dúas seguidas sobre terra e aí sabemos que estamos por detrás.".
Un rallye ben coñecido
O Rallye Príncipe de Asturias non é descoñecido para Senra pois xa o correu noutras ocasións e as sensacións foron boas. Nesta edición, a proba será puntuable para o IRC (campionato organizado por EuroSport, de modo que será televisada en gran medida) e o FIA-ERC, dúas competicións de máximo nivel con algúns dos mellores pilotos do mundo, e xa que logo disputarase en dúas xornadas, en concreto venres e sábado.
"A proba non difiere moito da destes últimos anos, polo que a coñecemos ben. Ao ser puntuable para o IRC e o ERC, será moi dura ao disputarse en dúas xornadas diferentes e debemos saber conservar moi ben a mecánica. En canto aos tramos, estes son moi longos, polo que seguramente haxa moitos problemas cos freos e debemos saber coidalos. Ademais adoitan patinar moito e haberá que ir concentrado ao máximo para evitar unha inoportuna saída de pista.", valoraba Senra.
Datos do rallye
46º Rallye Príncipe de Asturias
Días: 10, 11 e 12 de setembro
Lugar: Oviedo
Km cronometrados: 253,72 (163,44 o venres e 90,28 o sábado)
Km totais: 781,85 (451,76 o venres e 330,09 o sábado)
Web: www.rallyprincipe.com
0 comentarios:
Publicar un comentario