Novo éxito para Luis Penido e todo o seu equipo no galego de montaña. E é que o piloto compostelán rubricou un excelente resultado na sexta manga do galego de montaña, disputada na localidade pontevedresa de Poio, que lle achega a pasos axigantados ao segundo obxectivo do 2009. Dende o primeiro contacto co crono, o santiagués conseguiu a primacía dos turismos, precedendo a pilotos como Manuel Senra, Rodrigo Rodríguez, Carracedo ou Jaime Castro. O do Lancer EVO VI rebaixou o seu tempo de adestramentos en 7 segundos para asinar un crono de 2'09 " 927. Os esforzos dos seus principais rivais non foron suficientes para dobregar ao de Otero Caritón, Noyamóvil, Kaizen Motor e Concello de Santiago que malia ceder na segunda oficial, levou a vitoria en turismos, a primeira praza en grupo A e a novena posición absoluta, precedido tan só dos fórmulas e CMs que acaparan as prazas de honra nas subidas en costa.
Foi un fin de semana redondo, máis non podemos pedir. Chegabamos a Poio xa co título galego de grupo A por segundo ano consecutivo e buscando conservar a primeira praza no apartado absoluto de turismos. Saíunos unha manga de entrenos boa, pero sobre todo unha primeira oficial impecable, cun rexistro que os nosos rivais non puideron baixar. Quedan tres citas en xogo, A Bóla, Iroite e Cabanelas, e estamos en disposición de conseguir igualmente o título de turismos, valoraba o piloto da Escudería Compostela unha vez concluída a revirada subida do municipio costeiro pontevedrés, cita que vía a primeira vitoria absoluta de Antonio Mosteiro e o seu Barqueta Dicode BFR.
0 comentarios:
Publicar un comentario