Extraordinario resultado o logrado polo piloto naronés Pablo Rey, que xunto a Miguel Uzal lograban a segunda posición na quinta proba da tempada disputada no sempre complicado Rallye Vila de Llanes. A esta carreira partía como principal favorito o actual líder, Esteban Vallín, pero o seu abandono no segundo tramo deixaba o camiño despexado á parella galega, que tras este rallye aproxímase aínda máis á primeira praza da Copa Suzuki Swift, quedando a falta de dúas probas a só sete puntos do asturiano.Agora o que non debe fallar é Vallín, pois o regulamento obriga a descontar un resultado, algo que aínda non fixo Pablo Rey, pero que podería loitar tanto no Rallye Costa Brava como no Rallye Shalymar por un título que a principio de tempada parecía pouco menos que imposible, dada a experiencia do piloto asturiano nas copas monomarca.
De todos os xeitos a Vila de Llanes non resultou sinxelo para Pablo Rey, pois o seu Suzuki Swift comezou a derramar valvulina a partir do segundo bucle, o que lle fixo ir aguantando sobre o asfalto e evitando sustos innecesarios para manter esa valiosa segunda praza nunha proba que, xa pola mañá, perdía a varios participantes que optaban ao podio. Por outra banda Pablo Rey aproveitaba a relaxación do gañador, Miguel Anxo Branco, para gañar tres tramos pola tarde, xa que un deles anulábase, o que lle proporcionaba tres puntos extras.
0 comentarios:
Publicar un comentario