Nesta ocasión Miguel Fuster xunto ao seu copiloto José Vicente Medina, afrontarán a proba co seu Porsche 911 GT3, onde buscarán alzarse co podio e manter a loita polo campionato. Miguel nestas catro últimas citas, debido a avarías mecánicas e nunha ocasión por saída do asfalto, non puido sumar puntos no seu marcador, polo que nestes intres ocupa a cuarta praza da xeral. Pero o alacantino sabe que a tempada non se debe dar por perdida, xa que aínda restan catro citas para concluído o nacional de asfalto e todo pode ocorrer. O seu obxectivo é finalizar e realizar unha boa actuación que lle axude a subir na clasificación.O rallye asturiano non presenta case variacións, sendo o seu percorrido un clásico dentro do nacional de asfalto, sendo o seu principal inconveniente a cambiante climatoloxía, o que adoita ser un factor determinante.
Nove serán as especiais, que se realizarán en catro seccións e nunha soa etapa, constando de 162,79 kms. cronometrados. A matinal do venres terá lugar o shakedown, sendo o tramo escollido o da estrada de Colombres, estando disposto o seu percorrido de 2,8 kms., as verificacións e a cerimonia de saída. Ás 8:00 horas comezará a proba asturiana de forma íntegra ao longo da xornada do sábado, tendo previsto que finalice coa entrega de trofeos ás 22:20 horas.
0 comentarios:
Publicar un comentario