As dúas xornadas de recoñecementos da proba portuguesa válida para o Campionato de Europa de Rallys co máximo coeficiente e para o IRC (Intercontinental Rally Challenge) serviron para que Albert Llovera-Borja Rozada tivesen a primeira toma de contacto coas especiais cronometradas nas que disputarán a partir do próximo venres a edición da presente tempada do Rally do viño de Madeira.ABRIR + | PECHAR -
Diciamos que en opinión de Llovera a especiais obrigarán a cambiar o chip de xeito rápido para non ter sustos, É quizá a característica a destacar da especiais, hai especiais anchas e de asfalto perfecto, outras en que o asfalto está moi bacheado, outras estreitas, ... en fin unha variedade que nos fará manter a concentración ao máximo. Hai tamén unhas baixadas incribles, sen dúbida os freos sufrirán e en canto ás cunetas non son precisamente para confiarse, hai moita vegetación e a priori non é conveniente xogarse-a porque non se ve o que se esconde entre as herbas. Así pois, Llovera afrontará a proba de Madeira sen arriscar co claro obxectivo de facer quilómetros ao volante do seu FIAT S2000, É evidente que viñemos a Madeira a preparar do mellor xeito a nosa participación do Cataluña, e xa que logo a nosa intención é seguir a nosa adaptación ás reaccións do Grande Punto sobre asfalto e afrontar o rally catalán de mundial con máis garantías de éxito.
A actividade para Llovera-Rozada ao volante do Fiat Grande Punto S2000 empezará pola mañá de próximo xoves (día 30) coa disputa do shakedown, é dicir a última oportunidade para Llovera-Rozada de deixar a punto o FIAT S2000 antes de iniciar a competición. A cerimonia de saída e a continuación a disputa do tramo espectáculo (2,18 kms.) que servirá para establecer a primeira clasificación da proba, completarán o primeiro día de competición na illa portuguesa.
A xornada máis dura será sen dúbida a seguinte (venres día 31), na que os equipos terán que superar 12 das especiais con case 200 kms., de velocidade, A destacar as dúas pasadas por Terreiros con 21,93 kms., nos primeiros compases da xornada.
Para acabar, os equipos que sigan en competición quedaranlles 8 especiais con preto de 120 kms., cronometrados antes de entrar o coche no parque pechado final. Nesta ocasión a especial estrela volverá ser Terreiros, pero que en dirección contraria denomínase Chao dá Lagoa. Será a especial que pechará o rally.
O punto de partida do Rally do viño de Madeira 2009 está prevista ás 17h00 (da franxa horaria da Illa de Madeira), do próximo xoves (día 30), coa celebración da cerimonia de saída no podio situado nunha avenida céntrica de Funchal, localidade na que se concentra toda a logística do rally.
0 comentarios:
Publicar un comentario