ALBERTO HEVIA NO NACIONAL

Skoda e o piloto asturiano Alberto Hevia acaban de asinar un contrato para competir no Campionato de España de Rallyes de asfalto ao volante dun Fabia S2000 na presente tempada e en 2010.
Para este ano, está prevista a participación en cinco probas xa que o vehículo, tras varias sesións de test, estará a punto para competir no Rally de Ferrol que se disputará a finais do mes de agosto.

O Fabia Super 2000 é o vehículo de competición de Skoda deseñado para competir na categoría Super 2000 e está baseado na segunda xeración do Fabia. De acordo coas regulaciones da FIA, está equipado cun motor de gasolina de dous litros atmosférico de catro cilindros, unha caixa de cambio secuencial de seis velocidades e tracción ás catro rodas con tres diferenciales mecánicos.

O seu debut en competición produciuse no principio do ano, obtendo ata o momento moi bos resultados tanto no IRC (Intercontinental Rally Challenge) como no PWRC (Production World Rally Championship).

Pola súa banda, Alberto Hevia é un dos mellores pilotos españois como o demostra o seu amplo palmarés, no que se rexistran varios títulos nacionais en diferentes especialidades do automovilismo desde que se iniciou no mundo da competición en 1991 no Campionato de Asturias de Karting. No Campionato de España de Rallyes foi un dos pilotos de referencia nos últimos anos, co título nacional conseguido en 2004, os subcampeonatos en 2005 e 2007, e outros títulos como a vitoria na Evo Cup alcanzada o pasado ano.

O equipo, que está patrocinado por Skoda, o Principado de Asturias e Castrol, terá as súas instalacións en Asturias.

Calendario

RALLYE FERROL. 29-30 agosto

RALLYE PRÍNCIPE DE ASTURIAS. 12-13 setembro

RALLYE DE LLANES. 26-27 setembro

RALLYE COSTA BRAVA. 7-8 novembro

RALLYE SHALYMAR - COMUNIDADE DE MADRID. 28-29 novembro

ALBERTO HEVIA NO NACIONAL