O xoven piloto navarro Egoi Eder Valdés pasará a formar parte do Subaru Rally Team Spain, o que lle permitirá disputar, ao volante dun Impreza Prodrive preparado por KRS, dúas probas do mundial e tres do Campionato de España.Valdés é, aos seus 22 anos, unha das máis firmes promesas do automovilismo nacional, tras unha carreira deportiva curta pero en continua progresión, que se iniciou fai apenas dúas tempadas, competindo en probas do Campionato de España de Montaña. Ademais, proclamouse campión de Aragón e de Navarra de carreiras de montaña de forma consecutiva nas tempadas 2007 e 2008.
Á marxe das súas carreiras en montaña, o piloto navarro competiu tamén de forma esporádica en rallys durante as pasadas campañas, dando o salto definitivo á especialidade a principios do 2009, cando comezou co proxecto de participar no Campionato do Mundo de Produción.
Este proxecto terá continuidade no que queda de tempada coa súa participación nas probas de Cataluña e Gales encadrado dentro do Subaru Rally Team Spain, e verase complementado coa súa presenza en tres rallys máis, os de Ferrol, Llanes e Shalymar, puntuables para o Campionato de España de Rallys de Asfalto, nos que competirá tamén ao volante dun dos Impreza Prodrive.
0 comentarios:
Publicar un comentario