![](http://2.bp.blogspot.com/_2vzsmjKz-co/Sls_9Px4D-I/AAAAAAAABco/zn53gQ3Mj_Q/s400/RALLY+SUR+DO+CONDADO+002.jpg)
E iso que as cousas pintaban ben para Pedro e Marcos Burgo, que ata o último tramo da mañá lideraban con autoridade a clasificación xeral e todo parecía indicar que conseguirían unha nova vitoria. Pero a falta de concentración xogoulle unha mala pasada ao piloto lucense, que no último tramo da mañá se saía da estrada e perdía moito tempo. Tanto que unha vez no parque pechado, o equipo optou por abandonar tendo en conta a imposibilidade de alcanzar un resultado que servise para loitar polo Campionato Galego.
Non sempre vai ser o coche que falle. Nós somos humanos e tamén cometemos erros e nesta ocasión fun eu quen fallou. A falta de concentración fixo que cometese esta saída de estrada, coa mala sorte engadida de facelo nun sitio sen público que nos puidese axudar a regresar á estrada pronto. O resultado, perder máis de dez minutos e toda opción de sumar puntos nesta carreira. Isto explicaba Pedro Burgo tras o abandono no Rallye Sur do Condado.
O Campionato Galego toma agora un descanso, pero non así o equipo de Hankook - Café Candeals, que xa se prepara para unha nova cita co Campionato de España. Será a finais de agosto, coa disputa do 40 Rallye de Ferrol, unha proba onde os irmáns Burgo correrán como na casa e onde intentarán rematar cos malos resultados que os perseguen este ano no Campionato de España.
0 comentarios:
Publicar un comentario