Ao respecto dos tramos que se encontrou o piloto portugués manifesta que son máis complicados que os que corrín no 2007, están sucios e son moi estreitos, o cal requirirá unha pilotaxe moi técnica que fará evolucionar moito o meu coñecemento de como levar sacando do Porsche o máximo proveito. Sobre as súas intencións en carreira di que lle gustaría moito andar o máis á présa posible, pero a miña guerra non será pelexar cos pilotos do Campionato de España. Nas primeiras pasadas asegurarei un pouco, para nas segundas atacar algo máis pero sen chegar nunca a un full attack. Engade tamén quedei moi impresionado coa organización e federación, por como teñen montado o tema dos recoñecementos cun gran control sobre os coches e preocupándose moito pola seguridade. A verdade sorprendeume moito.
Neste Rallye de Ferrol Mex Machado estará integrado no equipo Nupel, o cal dende o primeiro momento lle prestou un grande apoio. Algo que será moi importante para el, posto que a súa idea vindo a correr este rallye a España é a de facer evolucionar o seu Porsche 997 GT3 Cup. E sen lugar a ningunha dúbida ter o grande especialista que é Sergio Vallejo tan preto del será de grande axuda, tanto como poder contar coa asistencia e asesoramento do resto do equipo Nupel. Unha formación a lucense das máis importantes dentro dos rallyes en España e que lle vén prestando a súa axuda nos dous últimos anos.
A proba comezará co shakedown que terá lugar mañá a primeira hora, na cal se farán as últimas regraxes ao coche para deixalo perfectamente a punto, de cara a unha carreira que terá a súa partida pola tarde e que finalizará a súa primeira parte cunha super especial nocturna.
Recordemos que Mex Machado é un piloto cun brillante palmarés, no que se contan entre outros logros os triunfos no Trofeo Peugeot de Portugal nos anos 2005 e 2006. Ademais nos últimos anos alterna a pilotaxe coa organización, sendo el o promotor, como cabeza visible de StartSign, do Open de Rallyes do noso veciño país, unha novidosa e exitosa fórmula que revitalizou esta especialidade, sendo o certame que máis participantes reúne. Por se iso non fose pouco, a súa empresa é ademais a promotora do Campionato de Portugal de Rallyes.
0 comentarios:
Publicar un comentario