O piloto español Fernando Alonso participará finalmente no Gran Premio de Europa, que terá lugar o próximo fin de semana na Valencia Street Circuit.Tras a reunión de tres horas mantida esta mañá polo Tribunal Internacional de Apelación (ICA) da FIA, decidiuse levantar a sanción imposta polo Colexio de Comisarios Deportivos ao ING Renault F1 Team no Gran Premio de Hungría, pola que se prohibía a participación do equipo na proba de Valencia.
Os membros do Tribunal tomaron a decisión de impoñer unha sanción económica ao equipo francés, que ascende a 50.000 dólares.
Tanto o Presidente da Real Federación Española de Automobilismo, Carlos Gracia, como o seu Vicepresidente, Joaquín Verdegay, estiveron a disposición do ICA durante a Audiencia, tras expoñer e argumentar os motivos que levaron á Entidade a defender a participación do piloto español e do equipo ING Renault no Gran Premio de Europa.
Esta decisión é motivo de satisfacción para todos, e en especial para o público español, que poderá gozar da presenza de Fernando nas rúas de Valencia. É unha grande alegría e gustaríame destacar e agradecer o excelente trato que recibimos por parte dos membros do Tribunal. Tiveron un comportamento exquisito, destacou Carlos Gracia tras coñecer a noticia.
0 comentarios:
Publicar un comentario