Sin saber inda que fará na presente tempada, Pablo Rey competirá o vindeiro sábado na terceira edición do Rally Comarca da Ulloa. O piloto de Narón participará co Mitsubishi Lancer Evo IX co que se proclamou campión galego de Grupo N e subcampión absoluto en 2008.Ademais neste rallye contará co seu amigo Luís Hernández como copiloto, quen xa lle acompañou o ano pasado en Narón cun Mitsubishi de AR Vidal, logrando ambos a segunda praza. Aínda que non se parte cun obxectivo concreto, Pablo Rey tentará ir collendo ritmo a medida que avance o rallye, centrándose nunha loita polo Grupo N que estará moi complicada debido á gran cantidade de Mitsubishi que se atopan inscritos.
0 comentarios:
Publicar un comentario