Onte mesmo falabamos de que posiblemente o Rally de Irlanda quedaba fóra da competición mundial do próximo ano e hoxe tócanos falar do calendario, polo menos o borrador, que acaba de filtrar a FIA tras a súa reunión de onte en Bahréin. Sorprende a aparición dunha nova proba en Oriente Medio, o Rally de Abu Dhabi debutará no Mundial cuns percorridos practicamente construídos especificamente para os novos WRC, S1600 con Turbo.Segundo os rumores parece que o acordo entre os organizadores do WRC e o Automóbil Club de Mónaco esta cada vez máis preto de producirse polo que se espera que a esta lista sómese o rally dos rallyes, o Montecarlo. Tamén se pode dar o feito de atoparnos dúas probas sobre neve, Suecia e Noruega, algo que xa se produciu na tempada do 2008. Todo dependerá da decisión do ACM sobre a súa volta ao WRC.
O calendario estaría formado polo Rally de México, o Rally de Portugal, Abu Dhabi, Rally de Arxentina, o Rally de Italia (que se executa en Sardeña, pero empezando posiblemente en Roma), o Rally de Turquía, o Rally de Finlandia, o Rally de Alemaña, o Rally de Australia, o Rally de Francia con base en Alsacia, o Rally de Cataluña, e Rally de Gran Bretaña.
Ademais as dúas probas reservas serán o Rally de Noruega e o de Polonia, que entrasen no devandito calendario no caso de que unha das probas antes mencionadas non cumpra cos requisitos para organizar unha cita mundialista.
0 comentarios:
Publicar un comentario