Os veciños da localidade malagueña de Carratraca entraron no futuro. Porque os seus camiños serviron para que o Citroën DS3, o vehículo que a marca francesa prepara para 2011, prosiga o seu desenvolvemento con Dani Sordo ao volante. As intensas choivas que arrasan a zona impediron que se realizasen os ensaios tamén previstos para preparar México co C4, pero non frearon os do modelo do ano que vén.Desde primeira hora da mañán, Dani e Marc Martí estiveron a rodar co novo coche, primeiro prototipo do que correrá o ano que vén, no que cambia completamente unha regulamentación que levaba vixente desde 1997. Pásase dos actuais world rally car, modelos compactos, con motor 2 litros turbo e moita electrónica nas transmisións, aos novos, que se basean en utilitarios de menor tamaño (o DS3 inicia a súa comercialización co obxectivo de facer fronte ao Mini, outra marca que parece que entrará en 2011), con motor 1.6 turbo e sen case electrónica.
O coche co que se rodou onte en Málaga equipaba o motor 2.0 do actual C4, pero cunha electrónica que simulaba as prestacións do 1.6. O motivo.Que aínda non está definida a nova regulamentación nesa materia, e aínda non se pode fabricar o propulsor definitivo. Xa poden espabilar na FIA, porque o tempo aprema e un motor non se fai dun día para outro.
Aínda que Dani ten prohibido falar do novo coche, na presentación do Mundial, en París, fai un par de semanas explicou que "transmite máis sensacións e é máis esixente de conducir. Leva cambio secuencial con palanca, non ten diferencial central, co que hai que tiralo máis nas curvas, usar o freo de man e ir máis de lado, e fai máis ruído. A xente que o ve desde fóra di que é moi espectacular, e a verdade é que as primeiras impresións foron moi boas".
0 comentarios:
Publicar un comentario