Despois da súa brilante vitoria na primeira proba do Campionato Galego fai algúns días, Alberto Meira acudirá a unha proba internacional os próximos 5 e 6 de marzo. Concretamente trátase do Rali Torrié, proba organizada pola escuadra lusa "Targa Clube", e que suporá o inicio de actividade no Campionato de Portugal de ralis.Meira expón os motivos desta participación: "-A organización desta proba convenceunos para desprazar o noso equipo e competir nela. A min paréceme unha boa oportunidade de facer quilómetros co coche e probar cousas de face a esta tempada, en que vou loitar polo campionato galego."
Sobre as posibilidades deportivas nesta proba, Meira comenta que: "-Practicamente non nos xogamos nada, aínda que é evidente que a nosa idea é sempre o facer un bo resultado, para que a repercusión dos nosos sponsors sexa maior na prensa. Nese sentido penso que o imos a ter difícil fronte aos vehículos Super 2000 de Vitor Pascoal e Bernardo Sousa, así como o Porsche de Pedro Fontes. Por non mencionar a todos os pilotos portugueses que teñen coches como o meu e que sen dúbida terán a baza do coñecemento do terreo."
Acerca da experiencia previa, Meira explica que: "No 2002 vin correr este rali nun Fiat Punto, cando aínda se chamaba Casino de Póvoa e eu estaba a empezar. Pero os tramos eran por outra zona e aquilo non vai ter nada que ver."
Á marxe de Alberto Meira e Álvaro Bañobre no Mitsubishi Lancer Evo X, o equipo desprazará tamén outro Mitsubishi Lancer Evo IX co que competirá o irmán menor de Alberto, Bruno Meira, que en 2009 foi outro dos pilotos máis destacados (Gañou o Volante RACC Galicia do campionato galego, así como a Challenge Galicia (para a que puntuaban as citas galegas do campionato de España: Rías Baixas, Ourense e Ferrol) e que por primeira vez participará nun rali a bordo dun vehículo 4×4.
Rali Torrié
· Primeira cita do Campionato de Portugal de Ralis 2010
· Sede nas localidades de Vieira do Minho e Povoa de Lanhoso
· Quilómetros totais: 269,34 kms
· Quilómetros cronometrados: 119,59 kms
· Número de tramos: 12 (8 distintos)
Tramos venres 5 marzo -Hora paso 1º:
A) Superespecial Povoa Lanhoso (2,6 kms) ? 8h38 e 11h53
Tramos sábado 6 marzo -Hora paso 1º:
B) Serradela (8,3 kms) ? 10h17 e 12h22
C) Pinheiro-Santa Marta (12,41 kms) ? 10h36 e 14h55
D) Ermal-Carvalhal (13,14 kms) ? 11h04 e 15h23
E) Verim-Soengas (14,55 kms) ? 11h42 e 16h01
F) Superespecial Vieira do Minho (2,30 kms) ? 14h25
G) Ermal-Oliveira (15,25 kms) ? 17h21
H) Superespecial Povoa Lanhoso II (2,8 kms) ? 18h10
Para seguir o rali: www.targa.pt
0 comentarios:
Publicar un comentario