O piloto pontevedrés Alberto Meira e o seu copiloto Álvaro Bañobre, cun Mitsubishi Lancer Evo X, proclamouse campión da vixésima terceira edición do Rali Cidade de Narón, puntuable para o campionato galego co máximo coeficiente. O piloto da Escuadra Rías Baixas logrou unha vantaxe de 15 segundos sobre o segundo clasificado, o piloto local Fernando Rico e o seu copiloto Sergio Martínez, que competiron cun Mitsubishi Lancer Evo VIII. Fernando Rico volveu subirse ao podio da proba naronesa dez anos despois xa que a última vez que quedara entre o tres primeiros fora na décimo terceira edición. O piloto do Siroco Team estivo impecable (marcou catro scratch) e mesmo se non fose por algún pequeno inconveniente durante a mañá, puidese pelexar pola primeira posiciónLa terceira praza foi para José Manuel Martínez Barreiro «Bamarti» e o seu copiloto Manuel Campos, que co seu Peugeot 306 Maxi entraron a 31 segundos do gañador. Nada puido facer o piloto da Escuadra Estradense fronte ao seu máximo rival no campionato galego, xa que desde o primeiro tramo viu como Alberto Meira ía aumentando a súa vantaxe tramo a tramo.En cuarto lugar clasificouse Diego Cabanela e Alberto Rodríguez, cun Mitsubishi Lancer EV e a quinta praza foi para o piloto local Julio Doce e o seu copiloto Gloria de la Fuente, que cun Mitsubishi Lancer Evo VI entraron a un minuto e corenta e seis segundos do vencedor.Por detrás na sexta e sétima posición quedaron dous pilotos da talla de Pablo Rei ou Roberto Blach, a quen os problemas mecánicos impuxéronlles pelexar polos postos da cabeza, polo que tiveron que conformarse con acabar o rali o mellor posible.A carreira naronesa destacou nesta edición pola presenza de até quince Mitsubishis, aínda que a adversa climatoloxía, pola mañá moita auga e pola tarde moita lama na estrada, non beneficiou a espectacularidade da carreira, xa que máis dun piloto decidiu levantar o pé, xa que algúns dos tramos estaban moi perigosos.Con todo, como sempre, miles de afeccionados abarrotaron os tramos. O traballo do Sirocco Team como sempre foi excepcional, e por iso é polo que a proba discorrese con total normalidade e boa fluidez a pesar da numerosa participación de vehículos.Esta vitoria permite ao piloto de Vincios, Alberto Meira, aumentar a súa vantaxe sobre José Manuel Martínez Barreiro «Bamarti» á fronte da xeral do campionato galego de ralis de asfalto. O piloto de Gondomar mostrouse especialmente satisfeito pola vitoria e asegurou que a súa idea agora é repetir triunfo en Ourense.Engadiu que agora o campionato pónselle realmente ben con este triunfo en Narón, aínda que asegura que quere ter os pés no chan.
0 comentarios:
Publicar un comentario