A tempada 2010 do Campionato de Asturias de rallyes iniciouse este fin de semana coa disputa da trixésima edición do Rallye Vila de Tineo no que venceron o catalán Marc Blázquez, que competía cun EVO X., e o seu copiloto Gabriel Moiset.A proba do Tineo Auto Club estreou un novo formato, repartindo o percorrido entre as xornadas do sábado o domingo, con catro especiais tendo lugar na tarde-noite do primeiro día, e o catro restantes celebrándose ao longo da mañá do segundo.
O primeiro líder do rally foi o novo piloto praviano José Antonio Suárez, autor do mellor tempo co seu EVO X no tramo inicial.
No entanto, no segundo tramo, Piedrafita-Rodical, a primeira posición pasou a mans do catalán Blázquez que consolidou o seu liderado con dous scratchs nos dous tramos finais do sábado, o que lles permitiu encarar a xornada do domingo con algo máis de medio minuto de vantaxe sobre José Antonio Suárez-Cándido Carrera, e preto dun minuto por diante do Peugeot 207 S2000 de Jonathan Pérez-Enrique Velasco.
Os actuais campións de Asturias de rallyes partiron ao ataque o domingo, marcando o catro scratchs do día, o que lles permitiu facerse coa segunda posición, pero non foi suficiente para desbancar a Blázquez-Moiset, que conservaron vinte segundos de vantaxe e adxudicáronse a vitoria final.
O podio completárono Suárez-Carrera, que terminaron a proba a 37 segundos dos gañadores.
A cuarta praza dilucidouse tras pechada loita entre os Renault Clio R3 dos irmáns Arias e de César Palacio-Jovino Pelaez, quen finalmente acabaron por diante logo dun duelo no que as diferenzas foron mínimas durante os dous días.
O primeiro clasificado entre os vehículos Históricos, foi o Ford Escort MKI dos galegos Jesús Ferreiro-Javier Anido, que concluíron oitavos da xeral, xusto por diante do primeiro grupo N, o EVO V de Rubén Iván Blanco-Rosa Ana Martínez.
Dos 122 vehículos inscritos, 115 tomaron a saída, clasificándose 65 ao final da proba, o que dá idea da dureza do percorrido, disputado baixo excelentes condicións climatolóxicas e que contou con numeroso público nas cunetas de todos os tramos.
0 comentarios:
Publicar un comentario