Despois de moitos anos de esforzo e ilusión, os irmáns Vallejo conseguiron por fin levar o Nacional de Rallies de Asfalto ao volante do Porsche 911 GT3 do Nupel Team. A parella lucense xa acariñaba o ttulo antes do penúltimo rally da tempada, pero, na Costa Brava, conseguiron asegurarse un campionato polo que estiveron poxando forte durante toda a súa carreira automobilística.A etapa de hoxe estivo protagonizada polo mozo noruegués Andreas Mikkelsen, que, cun Skoda Fabia S2000 calzado con gomas Hankkook, anotouse o 'scratch' en dous das especiais matutinas, quedndose, a falta de tres tramos, a só once segundos do líder Hevia. Mentres tanto, Vallejo era terceiro, sabéndose xa campión tras o abandono de Fuster, con moitos problemas mecánicos no seu Porsche 911 GT3.
No último bucle, a choiva quixo sumarse ao espectáculo mollando algunhas zonas das especiais. Con este panorama, todo estaba aínda por decidir, e, de feito, 'Berti' errou na elección de neumáticos, de maneira que Mikkelsen, que se volvía a impor en dous tramos máis, fíxose coa vitoria na 57 edición do Rally Costa Brava. Hevia tivo que conformarse co segundo posto (aínda que Mikkelsen non bloquea puntos no Nacional), mentres Pons (Mitsubishi EVO X) fíxose coa terceira posición, xusto por diante do seu compañeiro Sergio Vallejo (Porsche 911 GT3). Na Copa Suzuki Swift, a vitoria foi para Esteban Vallín por diante de Paz e Rei.
A última proba do Nacional de 2009 ser o Rallye Shalymar, que terá lugar dálos 28-29 de novembro na capital de España.
0 comentarios:
Publicar un comentario