Aínda que o peso total do Peugeot 207 de Kris Meeke era superior ao Skoda Fabia de Guy Wilks, na húmida atmosfera escocesa, percibíase como o adiantamos, unha sanción que merece ser comentada. Primeiro, para felicitar aos comisarios FIA que mediante un ollo biónico singular decidiron que o sub-chassis anterior ?que outorga maior rixidez ao conxunto- pesaba menos do correspondente á homologación oficial.Tratándose dunha maquina producida polo Grupo PSA (Peugeot-Citroen), vai de seu que a desculpa pública de Olivier Quesnel para o
campión excluído, é practicamente fotocopia, da xa ofrecida a Sebastien Loeb, cando a súa penalización en Australia.
Agora non foi un problema de fotografía da peza, senón 150 gramos de menor masa metálica, os que xeraron o consabido discurso: "Tomamos en consideración a decisión dos comisarios; somos responsables pero non culpables do erro que se produciu por unha falla administrativa que debemos remediar, pero que non tivo influencia sobre a prestación, razón pola cal presentamos as nosas desculpas a Kris Meeke, cuxo título está fóra de discusión"...
0 comentarios:
Publicar un comentario