![](http://3.bp.blogspot.com/_2vzsmjKz-co/S-xn8bX3Y6I/AAAAAAAADYI/Hytr4QwiHf0/s400/1273771266_0.jpg)
Solberg e Mills, campións do mundo en 2003, ían camiño de acabar no podio no Rally de Nova Zelandia, pero sufriron un accidente no último tramo que deixou moi maltreito o seu coche.
O feito de non poder puntuar nesa posición fíxolles caer do segundo ao quinto posto da clasificación, e levantou a dúbida sobre se poderían ou non ter listo o coche para a súa viaxe ao Algarve.
Con todo, Mills confirmou que Solberg poderá utilizar o segundo Citroën C4 WRC en Portugal. "Temos dous coches, así que non hai problema algún a ese respecto. Aínda así, o coche de Nova Zelandia non está tan danado (a pesar de impactar contra un contra un poste eléctrico)", explicou Mills, que se queixou de dores cervicais tras o accidente aínda que nin el nin Solberg sufriron lesións graves.
"Sempre é frustrante porque podiamos terminar facilmente entre o tres primeiros. Pero este é un deporte de risco e estas cousas pasan. Non lamentamos nada, porque foi noso primeiro accidente grave en catro anos. Agora temos que seguir traballando e non hai dúbida de que todo estará listo para Portugal", agregou Mills.
0 comentarios:
Publicar un comentario