Mark Webber logrou hoxe unha incontestable vitoria no Gran Premio de España aos mandos do velocísimo Red Bull RB6, pero o segundo posto asinado por Fernando Alonso é aínda máis significativo na loita por este Mundial 2010, xa que o asturiano sae de Montmeló a tres puntos de Jenson Button, que segue á fronte do campionato de pilotos.A carreira disputouse finalmente sobre seco, e con boas temperaturas. O Red Bull parecían encamiñados cara ao dobrete, pero entre eles interpúxose un lúcido Lewis Hamilton, que aproveitou a parada en boxes de Sebastian Vettel para empolicarse á segunda posición.
Alonso parecía destinado a manterse no estable cuarto posto que ocupou durante case toda a carreira, pero nos últimos xiros recibiu dous golpes de sorte, tan imprevistos como agradecidos. O primeiro, unha saída de pista de Sebastian Vettel na chicane do Mais da Moreneta que lle obrigou a pasar por boxes para substituír os seus neumáticos por segunda vez (os líderes só se detiveron unha vez). O segundo golpe de sorte chegoulle do seu ex compañeiro de equipo Lewis Hamilton, que sufriu o rebentón do seu pneumático dianteiro esquerdo a falta de tan só tres voltas para o final, e que supuxo o abandono do británico de McLaren e o consecuente ascenso de Fernando até a segunda posición final.
0 comentarios:
Publicar un comentario