FUSTER FAISE POR CUARTA VEZ CO RALLY DE OURENSE

Miguel Fuster puxo fin á boa racha da que gozara até agora Xevi Pons sumando a súa terceira vitoria da tempada ao imporse no Rallye de Ourense, unha proba que xa viu gañar ao alacantino en catro ocasiones (2003, 2006, 2007 e 2011) con outras tantas monturas diferentes (Citroën Saxo Kit-Car, Renault Clio S1600, Fiat Grande Punto S2000 e Porsche 911 GT3).

O de Benidorm enfrascouse desde o principio nunha igualada batalla con Pons, que gañou o tramo espectáculo celebrado o venres pola tarde e chegou líder ao primeiro parque de traballo do día seguinte con 2"2 de vantaxe sobre Fuster, que partía o sábado con 10"8 de desvantaxe tras a súperespecial. Con Hevia e Vallejo descartados desde o shakedown, o Rallye de Ourense presentábase como un man a man entre Pons e Fuster, pois, despois do tramo tres o terceiro clasificado, Víctor Senra, atopábase xa a medio minuto do dúo de cabeza. Pero a situación cambiaba radicalmente na quinta especial.

Xevi Pons, que lideraba o rallye ao volante do Ford Fiesta S2000 de RMC con 6"8 de diferenza sobre Fuster, picaba pouco despois de comezar a quinta especial, paraba a cambiar a roda e deixábase máis de dous minutos co seu rival. Tras este contratempo o piloto do Porsche 911 GT3 encaraba as seccións vespertinas en primeira posición con 36"7 de rédito sobre Senra e 58"7 en relación a Jonathan Pérez. Alberto Meira, tras o sabor agridoce das 'Rías', marcábase o mellor tempo na quinta cronometrada e situábase cuarto por diante de Xevi Pons, que adiantaba a Vinyes mercé á súa scratch na segunda pasada ao tramo espectáculo.

Dani Marbán figuraba como líder da Mitsubishi EVO Cup, cuxo líder, Eugenio Mantecón, tíñase que retirar por un problema na bomba da gasolina similar ao que lle abocou ao abandono en Vigo. O granadino David Pérez vía como saltaba a copela dun amortiguador e tamén se tiña que retirar, o mesmo que o valenciano Borja García, o portugués Bruno Magalhaes, que alugara un Mitsubishi EVO X a ARVidal para probar notas, e José Antonio Suárez, por unha dobre picada. Rubén Gracia aproveitaba a súa regularidade para colocarse líder da categoría R2 coa súa Renault Twingo tras a picada de Adrián Díaz. O andorrano Joan Carchat lideraba a Copa Suzuki Swift, un campionato que sufría a baixa do vencedor na cita anterior, Lluis Pérez, que sufría un desafortunado accidente nun tramo de ligazón que lle causaba feridas das que debía ser intervido cirurxicamente.

No primeiro tramo da tarde Alberto Meira saíase da estrada e deixaba o cuarto posto en mans de Pons, que marcaba o scratch no especiais sete e nove. Pero, por diante, o seu rival Fuster mantíñase imperturbable e resolvía definitivamente a situación ao seu favor impóndose por vinte segundos nas dúas voltas ao Canón do Sil. O segundo paso polo mítico tramo da Ribeira Sacra resultaba fatal para as aspiracións de Pons, que se saía da estrada cando se atopaba a 8"4 da terceira posición. Así Fuster subía todo o máis alto do podio por terceira vez esta tempada e volvía colocarse á fronte do Nacional de Asfalto. Víctor Senra penalizaba un minuto no último tramo pero marcaba o scratch e alcanzaba o seu segundo podio co Peugeot 306 Kit-Car. Jonathan Pérez subía o seu Peugeot 207 S2000 á terceira posición por diante do Suzuki Swift S1600 de Joan Vinyes, gañador en 2RM e a Challenge Hankook. Javier Ramos gañou a Mitsubishi EVO Cup tras os problemas de Marbán no último tramo. Ferrán Pujol quedou primeiro entre os R2 cos problemas de embrague que tivo Gracia. O andorrano Joan Carchat estreou o seu marcador na Copa Suzuki Swift.

Clasificación Final Rallye de Ourense 2011

1º- Miguel Fuster (Porsche 911 GT3) 2h14´08"5

2º- Víctor Senra (Peugeot 306 Kit-Car) +2´00"5

3º- Jonathan Pérez (Peugeot 207 S2000) +2´18"

4º- Joan Vinyes (Suzuki Swift S1600) +4´34"2

5º- Javier Ramos (Mitsubishi EVO X) +10´07"1

6º- Gorka Antxustegi (Suzuki Swift S1600) +13´37"7

7º- Dani Marbán (Mitsubishi EVO X) +14´21"0

8º- Ferrán Pujol (Ford Festa R2) +14´58"1

9º- Adrián Díaz (Ford Festa R2) +15´48"5

10º- Joan Carchat (Suzuki Swift Sport) +18´21"9

FUSTER FAISE POR CUARTA VEZ CO RALLY DE OURENSE