Xevi Pons (Ford Festa S2000) enlazou a súa segunda vitoria consecutiva no Campionato de España de Rallyes alzándose no lugar máis alto do podio do Rally Rias Baixas que se disputou ao longo do Sábado. Con este novo triunfo, Pons alcanza o liderado do certame, por diante de Miguel Fuster (Porsche).
A primeira parte do Rally Rias Baixas finalizaba de modo moi esperanzador para
Xevi Pons-Alex Haro (Ford Festa S2000). Ao pecharse os 5 tramos de que se compuña a fase matinal, o piloto patrocinado por Estrela Galicia lograba chegar a Vigo con 8,2 segundos sobre o Porsche de
Miguel Fuster e xa 27,3 sobre o Lotus Esixe de
Sergio Vallejo, mentres que o resto de rivais xa se achaban a máis de 45 segundos do piloto de Ford.
Os tramos Covelo e As Neves foran gañados nos seus dúas pasadas polo de Manlleu, mentres que o xa máis rápido Mondariz, cunhas características de asfalto mais favorables á potencia do GT, facían que este recuperase un bo puñado de segundos ao S2000.
Xevi Pons, concentrado e nun gran momento de forma, lograba chegar ao final desta primeira parte con todas as súas opcións intactas, aínda que no ambiente respirábase que a segunda parte do día podía presentarlle problemas ao combinarse tramos rápidos, como a segunda pasada por Mondariz e as dúas de Maceira, con outros mais virados como Ponteareas, que tamén se repetiría dúas veces.
Xevi Pons: "
Imos moi rápidos, non vou negalo, pero tanto o Ford como as Hankook están a funcionarnos moi ben e permítennos manter o noso ritmo ideal. Veremos pola tarde, con máis calor, a ver que tal, pero a cousa non será fácil. Fuster terá unha boa oportunidade pero tamén é certo que Ponteareas é un tramo virado e con trampas, onde todos podemos cometer erros. O que está claro é que nós defenderemos con uñas e dentes as nosas posibilidades".
Tras ser solucionada unha leve fisura no escape pola asistencia de RMC Motorsport,
Xevi Pons e
Alex Haro iniciaban pouco despois das 4 da tarde o primeiro do cinco tramos vespertinos, momento en que as condicións do rally íban a cambiar por completo e dun modo espectacular. Unha impresionante tromba de auga caía xusto cando saían os primeiros coches en Mondariz, que deixaba a estrada nunha delicada situación. Pons e o Fiesta, con cubertas de seco, superaban a especial a duras penas marcando o 27º tempo... 25,3 segundos por diante de Fuster! Nun só tramo, a diferenza entre o Ford e o Porsche alargouse até os 33,6 segundos, aos que había que sumar outros 3,5 segundos despois da primeira pasada polo longo Maceira.
Tras ceder 5,6 segundos en Ponteareas, Pons chegaba ao recinto feiral de Vigo con 31,5 segundos sobre Fuster e iso con aínda dous tramos por diante, cun total de 40,6 kms de velocidade por disputar.
Xevi Pons sabía que tiña que esforzarse aínda que a súa situación na carreira era moi diferente á do anterior paso pola asistencia: "
Aínda atoparemos algunha humidade pero o rally volve á súa condición de seco. Nós podemos correr un pouco máis se fai falta, pero espero poder xestionar a nosa diferenza sen ter que tomar riscos", dicía o Campión do Mundo SWRC ao iniciar este último e definitivo bucle.
Nas dúas últimas especiais Pons mantiña o ataque de Fuster, que marcaba o scratch no penúltimo e recuperáballe até 13´´, pero o de Ford facía o propio no que pechaba o rallye, Ponteareas, sentenciando a proba e, á súa vez, pasando a liderar o campionato con 140,5 puntos, dous máis que o seu principal rival nesta carreira. "
É unha vitoria moi apreciada por todo o equipo xa que especialmente a segunda parte do rallye foi dura. Agora somos líderes e estamos moi motivados para seguir defendendo o primeiro lugar", expuña un Pons realmente satisfeito. A próxima cita do nacional de asfalto será o Rallye de Ourense, os días 18 e 19 de xuño.
Terceiro caixón do podio para o piloto local
Alberto Meira (Mitsubishi EVO X), actual Campión Galego e subcampión no Rias do pasado ano, que despois de loitar durante todo o día con Vallejo polo posto, finalmente beneficiouse do abandono do piloto lucense. Meira sempre estivo nos tempos de cabeza e loitando durante todo o rallye polo terceiro posto, non en balde logro o segundo mellor tempo en 3 tramos.
Gran loita a protagonizada por
Jonathan Perez (Peugeot 207) e
Joan Vinyes (Suzuki Swift S1600) e que finalmente se decantou ao lado do Peugeot por tan só 4,5?. Tras os abandonos de
Vallejo e Senra, finalmente foron 4º e 5º respectivamente.
Un tanto crueis poderiamos cualificar os abandonos das principais espadas.
Alberto Hevia abandonaba no primeiro tramo a escasos 300 metros da saída cando se lle rompía o cable do acelerador e os de
Vallejo e
Senra no penúltimo tramo cando parecía que o peor pasara e cando as posicións estaban máis ou menos decidido.
Nesta edición do Rias hai que anotar ademais outros 12 abandonos sen que haxa que destacar ningún accidente de consideración.
Sen cambios desde o primeiro tramo na Challenge Hankook, con vitoria para
Vinyes seguido do seu compañeiro
Antxustegi e de
Ferran Pujol.
Tampouco houbo cambios desde o inicio na Challenge Twingo R2. Vitoria de
Miguel Arias con mais de 3 minutos de renda sobre o segundo clasificado
Ruben Graza e case 6 sobre
Ballesteros que pechou o podio.
A emoción puxérona os Suzuki Swift da copa que até o último momento pelexaron polos postos de cabeza. Ao último tramo chegaron Perez e Carchat, (1º e 2º) separados por 7.2´´ e Victor Perez e Pablo Pazó, (3º e 4º) por tan só 0.2´´. Finalmente Perez e Carchat mantiveron as posicións, mentres que Pazó arrebatou o terceiro posto a Victor Perez.
A Mitsubishi Evo Cup para o único sobrevivente,
Daniel MarbanEn canto ao Campionato Autonómico, vitoria para
Jorge Pérez (Peugeot 206 S16000) con mais de 5 minutos sobre
Javier Fernández e 8 sobre
Jose Manuel Espino.Moitas foron as persoas que se desprazaron até os diferentes tramos para presenciar esta nova edición do Rallye Rías Baixas. E como noutras ocasións había afeccionados chegados desde diferentes puntos de España, sobre todo a zona norte, pero tamén de Portugal. Todos eles cumpriron coas esixencias da organización, colocándose nos lugares habilitados para eles e non se produciu ningún tipo de incidente. Estímase que, durante toda a xornada o rallye reuniu ao longo dos tramos a máis de
75.000 persoas.
Cristóbal Serantes prolonga o seu reinado na subida á Estrada. O piloto de Serantes Sport (Fórmula RALT RT34) impúxose na accidentada décimo sexta edición da proba do campionato de Montaña cunha diferenza de máis de sete segundos sobre o segundo clasificado, José Antonio Gómez (Fórmula Outeda) cuxo tempo final foi de 5 minutos, 4 segundos e 87 milésimas. O terceiro caixón do podio foi a parar a mans de Toño Varela, cun tempo case calcado ao de Gómez, co seu Osella PA-20.
O accidente de Martínez Carracedo puña a guinda a un fin de semana accidentado na proba estradense, posto que se sumaba aos sufridos na tarde do sábado, e que obrigaron a anular a segunda pasada oficial da primeira xornada.
Conseguido. 
