Restan dúas probas para que finalice a Copa Suzuki Swift de 2010. Unha delas será o próximo venres e sábado en Córdoba, onde acudirán por primeira vez os participantes da copa monomarca. O rally comeza cun tramo na noite do venres, para continuar con oito especiais máis o sábado, nas que Pablo Rey e Miguel Uzal intentarán poñer un bo colofón a unha tempada demasiado desafortunada.
Despois de Ferrol dixera que tras o Príncipe de Asturias deixariamos xa o certame, pero os meus patrocinadores animáronme para continuar. O certo é que a pouco máis que o terceiro posto final podemos aspirar, ao non cabe dúbida de que tanto en Córdoba coma en Madrid o intentaremos, para polo menos levarnos o premio ao terceiro clasificado, comentaba Pablo Rey antes de iniciar os recoñecementos da cita andaluza.
Clasificación provisional - Copa Suzuki Swift (tras a 5ª proba de 7)
- 1º Ferrán Pujol, 99 puntos
- 2º Pablo Pazó, 69 puntos
- 3º Víctor Pérez, 62 puntos
- 4º Aitor Fernández, 52 puntos
- 5º Diego Pinilla, 50 puntos
0 comentarios:
Publicar un comentario