Dani Sordo (Citroën Junior Team) sabe desde a semana pasada que está fóra de Citroën, ou que deberá pagar do seu peto un terceiro coche se quere seguir coa firma francesa, pois os dous vehículos orzados para tempada 2011 serán para Sebastien Loeb e Sebastien Ogier.Por iso, Sordo chamou á porta de Ford para reunirse con Malcolm Wilson, xefe do equipo, e asegurarse un coche competitivo para o ano que vén.
O problema é que Ford xa ten a "aliñación" completa, polo que Sordo debería abonar unha cantidade próxima ao millón de euros por ter coche, así que o cántabro xa busca patrocinadores e o Banco Santander apareceu na súa contorna, segundo publica o diario AS.
En calquera caso, Sordo é consciente de que terá que pór diñeiro para correr, salvo proposta de última hora de Mini, marca que se incorporará ao World Rally Championship no 2011.
0 comentarios:
Publicar un comentario