JONATHAN PÉREZ -ENRIQUE VELASCO CAMPIÓNS ASTURIANOS DE RALIS 2010

Vitoria de Jonathan Pérez e Enrique Velasco no último tramo do Rallye Montaña Central, que lles proclama matematicamente Campións de Asturias de Rallyes 2010.

O Rallye Montaña Central, penúltima proba do certame asturiano disputouse baixo condicións de moita choiva, e con tramos que evidentemente patinaban moito.
Jonathan e Enrique disputaban a carreira cun ollo posto no Campionato de Asturias, valéndolles calquera posto do pódium final para adxudicarse por segunda vez o titulo asturiano.

Comezaba o rallye coas pasadas aos tramos de Alfilorios e O Cordal, onde Jonathan marcaba o segundo mellor tempos da scratch en ambos. A continuación, na segunda pasada ao tramo de Alfilorios, primeiro scratch levantándose ao primeiro posto da clasificación xeral. Pero no seguinte, O Cordal, Jesús Fdez. "Tano" arrebatáballe a primeira posición na clasificación xeral. Jonathan comentaba que "os tramos da mañá estabán moi complicados, patinaba moitísimo".

Durante a tarde disputábanse os tramos de Espinos e Morcín a dobre pasada. No primeiro, Jonathan marcaba o segundo tempo, alejandose da primeira posición da clasificación xeral, comandada por "Tano" con máis de 16 segundos de vantaxe. A primeira pasada ao tramo de Morcín suspendíase pola colocación da xente, polo que a vitoria no rallyes estaba difícil, ao ter que recuperar a desvantaxe en só dous tramos.

A remontada

Con todo, Jonathan e Enrique deciden arriscar un pouco e na segunda pasada a Espinos marcan o scratch con 12 segundos de vantaxe a "Tano". "Decidimos tirar até ver onde chegabamos recortando tempo".
Para o último tramo, Morcín, a diferenza tan só era de 4'3 segundos, e novamente Jonathan marcaba o mellor tempo, está vez con 7'7 segundos de vantaxe, o que lle levantaba á primeira posición do rallye.

Isto non só significou a vitoria no rallye, se non que xa matematicamente obtiñan por segundo ano consecutivo o título de Campións de Asturias de Rallyes.

Jonathan Pérez explicaba ao final da proba que "foi un rallye moi difícil, pero tanto o coche como o equipo funcionaron á perfección".

Rallye Montaña Central
1.- Jonathan Pérez-Enrique Velasco
(Peugeot 207 S2000) a 49:10.3
2.- Jesús Fdez."Tano"-Salvador Belzunces
(Impreza WRC) a 3.4 seg
3.- José A.Suárez-Cándido Carreira
(Mitsubishi Lancer Evo.X) a 1:57.8 seg

JONATHAN PÉREZ -ENRIQUE VELASCO CAMPIÓNS ASTURIANOS DE RALIS 2010