O finlandés Mikko Hirvonen (Ford) continúa líder do rally de Montecarlo, primeira cita do IRC, tras a disputa da segunda xornada, con 47.7 segundos de vantaxe sobre o segundo clasificado, o seu compatriota Juho Hanninen (Skoda), e todo a pesar dunha picada no segundo tramo do día.Ao longo da xornada conseguiu aumentar a súa vantaxe por encima do minuto con respecto ao segundo clasificado, pero unha mala elección de neumáticos para a segunda metade da xornada, ante o que preferiu non arriscar, fixéronlle baixar o ritmo e deixar a diferenza en algo menos do minuto.
En canto ao resto de pilotos con experiencia no mundial, o francés Sebastien Ogier (Peugeot) é terceiro mentres que o tamén galo Stephane Serrazin (Peugeot) é quinto. Mañá finaliza a proba cunha xornada vespertina que terá un total de 681,08 quilómetros dos que 105,52 serán cronometrados e divididos en cinco especiais. O último comezará ás 23:53 horas.
XERAL 2ª XORNADA
0 comentarios:
Publicar un comentario