Sébastien Loeb proclamouse Campión do Mundo de Rallies por sétima ocasión consecutiva, tras o seu cómodo triunfo no Rally de Francia, antepenúltima cita da tempada. O francés segue facendo historia en probas sobre asfalto, sumando xa dezaoito triunfos consecutivos sobre este piso.
A última xornada sobre terras alsacianas significou un auténtico paseo triunfal para Loeb, que se limitou a rodar sen arriscarse o máis mínimo polas rúas da súa cidade natal, Haguenau. O tramo máis complicado e emocionante do día era o que transcorría pola base militar de Bitche Camp, aínda que só puido disputarse unha vez debido á masiva afluencia de público.
Sordo logrou finalizar en segunda posición, non sen levar o seu susto correspondente. Un manguito fallou e o seu C4 empezou a perder auga no tramo longo do día. Por sorte, o español decatouse diso e puido solucionalo sen consecuencias, facéndose co seu cuarto triunfo parcial da proba.
O noruegués Petter Solberg conseguiu manter a terceira posición coa que partía, a pesar de saírse da estrada. Latvala apertou forte, pero viuse prexudicado pola suspensión da repetición do tramo de Bitche Camp. Mikko Hirvonen foi quinto e Sébastien Ogier, baixo regulación SupeRally, terminou en sexta posición. O seu compañeiro Kimi Räikkönen optou por non regresar a competición para manter en óptimas condicións a súa C4 para o Rally de Catalunya.
Pons, líder do Mundial en Súper 2000
En Súper 2000, o español Xevi Pons terminou na cuarta posición, grazas á retirada de Brynildsen, que envorcou a súa Skoda Fabia en Bitche Camp. O español perdeu unha posición co polaco Michal Kosciuszko na última pasada sobre as rúas de Haguenau, deixando de sumar tres valiosos puntos. Aínda así, Pons avantaxa a Martin Prokop en dous puntos na clasificación da categoría.
No resto de categorías, as vitorias foron para Armindo Araújo en Produción e Jéremy Ancian no J-WRC. O portugués colócase primeiro na clasificación xeral da categoría, aínda que a súa loita con Patrik Flodin será a que ditamine o gañador final en Gran Bretaña.
A última xornada sobre terras alsacianas significou un auténtico paseo triunfal para Loeb, que se limitou a rodar sen arriscarse o máis mínimo polas rúas da súa cidade natal, Haguenau. O tramo máis complicado e emocionante do día era o que transcorría pola base militar de Bitche Camp, aínda que só puido disputarse unha vez debido á masiva afluencia de público.
Sordo logrou finalizar en segunda posición, non sen levar o seu susto correspondente. Un manguito fallou e o seu C4 empezou a perder auga no tramo longo do día. Por sorte, o español decatouse diso e puido solucionalo sen consecuencias, facéndose co seu cuarto triunfo parcial da proba.
O noruegués Petter Solberg conseguiu manter a terceira posición coa que partía, a pesar de saírse da estrada. Latvala apertou forte, pero viuse prexudicado pola suspensión da repetición do tramo de Bitche Camp. Mikko Hirvonen foi quinto e Sébastien Ogier, baixo regulación SupeRally, terminou en sexta posición. O seu compañeiro Kimi Räikkönen optou por non regresar a competición para manter en óptimas condicións a súa C4 para o Rally de Catalunya.
Pons, líder do Mundial en Súper 2000
En Súper 2000, o español Xevi Pons terminou na cuarta posición, grazas á retirada de Brynildsen, que envorcou a súa Skoda Fabia en Bitche Camp. O español perdeu unha posición co polaco Michal Kosciuszko na última pasada sobre as rúas de Haguenau, deixando de sumar tres valiosos puntos. Aínda así, Pons avantaxa a Martin Prokop en dous puntos na clasificación da categoría.
No resto de categorías, as vitorias foron para Armindo Araújo en Produción e Jéremy Ancian no J-WRC. O portugués colócase primeiro na clasificación xeral da categoría, aínda que a súa loita con Patrik Flodin será a que ditamine o gañador final en Gran Bretaña.
0 comentarios:
Publicar un comentario