Sergio e Diego Vallejo estiveron no Rallye de Bulgaria desempeñando por primeira vez de maneira conxunta o rol de ouvreurs para Dani Sordo. Sergio xa exercera esta función ao servizo do piloto español o pasado ano, non así o seu irmán Diego, que estivo recentemente copilotando ao de Torrelavega nun test do novo Citroën DS3 WRC para familiarizarse co sistema de notas empregado por Dani e o seu copiloto Marc Martí.Na proba búlgara tamén fixeron de ouvreurs algúns coñecidos pilotos como o francés Álex Bengué xunto ao seu compatriota Sébastien Ogier, ou o tamén galo Simon Jean-Joseph á beira do noruegués Petter Solberg. Pola súa banda, Sergio e Diego Vallejo seguirán axudando a Sordo coas notas no tres rallyes de asfalto que restan por disputarse no WRC (Alemaña, Francia e España-Cataluña), xa que é esta a única superficie na que está permitido que os ouvreurs entren na escena do Mundial de rallyes.
0 comentarios:
Publicar un comentario