O 48 Rallye Príncipe de Asturias presentábase como unha proba moi especial para Alberto Hevia e todo o seu equipo ao ser o rallye "de casa", polo que o piloto asturiano desexaba facer unha boa carreira e loitar pola vitoria, cousa que ao final conseguiu, sendo o vencedor final da carreira.Desde a primeira sección do rallye Hevia e Iglesias, coa sue skoda Fabia S2000, púñanse na cabeza da clasificación, batendo a todos os seus rivais nacionais e estranxeiros, sendo os máis rápidos en cada un dos trece tramos cronometrados que compuñan a proba.
A primeira etapa, disputada o venres, constaba de tres tramos cronometrados que se repetían dúas veces, chegando Alberto Hevia ao final da mesma cunha vantaxe de 42,7 segundos sobre Jonathan Perez, segundo clasificado, co que o balance resultaba moi positivo para o asturiano: "Fixemos unha primeira parte de rallye impecable e tanto o coche como o equipo funcionaron á perfección, co que afrontaremos a segunda etapa con total confianza e motivación".
A segunda etapa comezaba con tres novos tramos o sábado pola mañá, onde Hevia e Iglesias conseguían aumentar a vantaxe sobre os seus perseguidores e manter así o liderado. A cuarta e última sección do rallye asturiano non representou cambios significativos na clasificación, co que Alberto Hevia mantivo a primeira posición até o final da proba, cunha vantaxe de 1 minuto e 50'6 segundos sobre Xevi Pons e de 2 minutos e 3'7 segundos sobre Jonathan Pérez, segundo e terceiro clasificados respectivamente.
Ao final do rallye, Alberto Hevia mostrouse satisfeito polo resultado conseguido: "O Rallye Príncipe de Asturias é a carreira de casa e para nós era moi importante facelo ben. Creo que fixemos un gran rallye, como o demostra o feito de impornos aos pilotos que compiten polo campionato europeo e gañar en todos os tramos cronometrados. Creo que estamos no bo camiño e cada vez estamos a ser máis competitivos, co que creo que se nos presenta un bo final de campionato no que tentaremos gañar o maior número posible de carreiras. Por outra banda, o apoio do público foi incrible e creo que non lles defraudamos, polo que estou moi contento de que por fin os resultados acompáñennos".
0 comentarios:
Publicar un comentario