Sebastien Loeb, proclamouse vencedor do Rally Guanajuato México 2011 cun tempo total de 3 horas 53 minutos 17 segundos tras disputar os 22 tramos cronometrados dos que se compuña a segunda proba do WRC 2011.Coa celebración das dúas Súper Especiais na noite de onte sábado, o líder da xeral seguía sendo o francés Sebastien Ogier, seguido polo seu compañeiro de equipo, Loeb, e terceiro era Mikko Hirvonen co Ford Festa RS WRC.
A situación cambiaba na mañá de hoxe domingo, concretamente no tramo cronometrado 20 de Guanajuatito, coa saída de estrada de Sebastien Ogier, que rompía a súa roda dianteira esquerda e víase obrigado a abandonar cando lideraba a proba mexicana.
Desta maneira, tras celebrarse o primeiro tramo cronometrado do día de hoxe, Sebastien Loeb subía á primeira posición da xeral coa súa Citroen DS3 WRC, por diante de Mikko Hirvonen e Jari-Matti Latvala, cos Ford Festa RS WRC, que se situaban segundo e terceiro, respectivamente.
No penúltimo tramo cronometrado do rally, TC21 Comanjilla, Jari-Matti Latvala facíase co mellor tempo da especial coa súa Ford e a clasificación xeral mantíñase igual.
Xa só quedaba por disputarse o "Power Stage" de Guanajuato, no que Mikko Hirvonen marcou o mellor tempo e fíxose cos 3 puntos adicionais, segundo foi Sebastien Loeb e terceiro Petter Solberg.
O francés Sebastien Loeb comentou que "foi un fin de semana moi duro". "Algúns problemas, pero non demasiados co novo coche. O DS3 é moi rápido", afirmaba o campión do mundo ao finalizar a proba.
0 comentarios:
Publicar un comentario