Mikko Hirvonen-Jarmo Lehtinen impuxéronse na Super Especial de Lisboa, primeira especial do Vodafone Portugal 2011 que comezou hoxe, sacandole un segundo e tres décimas ao piloto de Citroen Sebastien Loeb. Terceiro situouse Petter Solberg a 2,1 do líder do rally e aínda do provisional do campionato. Tocaralle abrir pista mañá, que é cando comezará realmente a terceira proba do mundial.O Vodafone Rallye de Portugal púxose en marcha cun espectacular tramo súper especial na capital Lisboa. Os pilotos disputaron un tramo totalmente de asfalto en grupos de tres, ou dous en función do seu carácter prioritario e estivo cheo de afeccionados até o final, calcúlase que 30.000.
Con sede en Belém, a zona ribeirega de Lisboa ao oeste do centro da cidade, onde 600 anos atrás os barcos deixaron Portugal para descubrir o mundo, o tramo foi transmitido en directo pola televisión portuguesa e levouse a cabo en condicións de sol e calor.
Houbo incerteza no tramo cando Mads Ostberg impactou contra un muro de contención de formigón. O impacto fixo que o seu Festa perdese o parachoques dianteiro dereito, e Ostberg acabou o tramo en tres rodas.
O canario Yeray Lemes, encadrado dentro da Academia WRC, na primeira proba valedoira para este campionato, non puido comezar mellor. Nun principio os tempos adxudicados non eran os correctos e metíanlle un minuto de máis do que realmente realizara, polo que se coloca na cabeza deste certame desde o primeiro tramo. Esperamos que todo siga por ese carreiro, aínda que queda moito rally por diante.
Yeray Lemes declarou ao acabar o tramo en Lisboa o "bo comezo realizado, aínda que aínda nos resta moito por diante. Os recoñecementos han ir ben e os tramos do venres coñecémolos do ano pasado, así que esperamos rodar ben e con coidado de non picar. Hoxe era un día para ir quentando, e rodamos con precaución xa que habían moitos bordos polo percorrido", finalizou o piloto de Lanzarote.
Finalmente son 18 equipos en representación de 12 países diferentes de todo o mundo, as novas estrelas que comezaron a súa andaina na Academia WRC no Vodafone Rallye de Portugal, que comezou na capital portuguesa esta tarde, con idénticos Ford Festa R2s preparados por M-Sport e con neumáticos Pirelli.
O outro piloto español participante, o ovetense José Suarez, marcou un tempo once segundos peor e sitúase no decimoséptimo lugar dentro desta categoría.
0 comentarios:
Publicar un comentario