A edición para Canarias do diario deportivo AS deste luns di que o piloto catalán Xevi Pons, campión do Mundo WRC na categoría S2000 a campaña pasada e segundo clasificado do Rally Vila Joiosa, primeira cita do Campionato de España de Rally de Asfalto que se celebrou o pasado sábado na provincia de Alacante, podería ser a primeira baixa dos 73 equipos confirmados no Rally Illas Canarias "O Corte Inglés".E todo pasa por serios problemas económicos xa que o preparador leonés Roberto Méndez (RMC), que se encarga do mantemento do Ford Festa S2000 dos cataláns Xevi Pons e Alex Haro, non está disposto a seguir traballando para o equipo Nupel Global Racing ata que estes non satisfagan as importantes débedas que teñen contraído con el e que se acumulan desde do ano pasado, sobre todo coa errada Copa Festa R2, tendo Méndez preto dunha vintena destas monturas construídas para competir e que unha vez anulada a monomarca non foron pagadas polos máximos responsables do equipo galego.
Por este motivo Méndez díxolles que non traballará para eles no Rally Illas Canarias, que se disputará na illa de Gran Canaria entre o 14, 15, e 16 de abril sendo valedoiro para o Intercontinental Rally Challenge, Copa de Europa e Campionato de España, Canarias e As Palmas de Rallys de Asfalto, sendo o dúo composto por Pons-Haro, salvo sorpresa maiúscula, os primeiros ausentes do segundo rally máis importante de España despois do Cataluña.
0 comentarios:
Publicar un comentario