Un rally de infarto. Así se pode definir a edición 2011 do Rally de Xordania, que se definiu pola marxe máis pequena da historia do WRC (World Rally Championship), dúas décimas, que decantaron a proba a favor do francés Sebastien Ogier (Citroën Total) e en detrimento de Jari-Matti Latvala (BP Ford Abu Dhabi).A case inexistente distancia produciuse na última especial, que arrincou con medio segundo de vantaxe para Latvala, que non debe dar crédito á marxe polo que perdeu a proba xordana. A marca anterior era de 0.3 segundos, entre Loeb e Gronholm.
A remontada de Ogier no último día foi maior que o medio segundo recuperado na especial, pois a xornada empezara co galo 31.6 segundos por detrás do finlandés. E como de marcas ha ir o rally, Ogier levouse os 25 puntos da vitoria e os 3 por gañar o "Power Stage", na que é a máxima puntuación obtida nunca nun rally do WRC.
0 comentarios:
Publicar un comentario