O equipo Citroen presentou en Versalles, nos arredores de París, o novo Citroen DS3 WRC co que Sebastien Loeb e compañía buscarán seguir reinando no Mundial de Rally.A organización francesa terá a Sebastien Loeb e a Sebastien Ogier como os seus dous pilotos oficiais, no que se espera que sexa un gran duelo entre ambos polo campionato de pilotos. Con todo, Citroen ten como prioridade o título de equipos.
"Estamos aquí para ser campións do mundo de marcas, o título de pilotos é o seguinte obxectivo, se é posible", afirmou Olivier Quesnel, director deportivo do equipo. "Sabemos que os dous Sebastiens queren gañalo e todo o mundo sabe que terán un coche idéntico, aínda que un será máis rápido que o outro, o xogo é así. Son excelentes, responsables e intelixentes, e ambos teñen unha prioridade: gañar o campionato de marcas. Sei que poden facelo".
Xunto a Loeb e Ogier, Citroen terá outro tres pilotos privados: Petter Solberg, campión do mundo en 2003, quen disputará todo o campionato, mentres que Kimi Raikkonen e Peter van Merksteijn estarán presentes en dez datas da tempada.
0 comentarios:
Publicar un comentario